Платформата против говор на омраза одржа отворен едукативен настан за говорот на омраза во Прилеп. Претставници од различни организации членки на Платформата, одржаа кратки презентации на теми поврзани со говор на омраза, слобода на изразување, дискриминација и дела од омраза. Исто така, говорниците се осврнаа на активностите и проектите на индивидуалните организации во борбата со говор на омраза. На настанот беа поканети и учествуваа млади луѓе, кои внимателно ги следеа презентациите и се вклучија во дискусијата со свои размислувања и идеи.