Советот на Европа во рамки на „Движењето против говорот на омраза“ објави прирачник посветен на справувањето со говорот на омраза на Интернет преку едукација за човековите права.

„Bookmarks“ претставува корисна алатка за сите едукатори кои ги третираат прашањата поврзани со говорот на омразата на Интернет од перспектива на човековите права. Прирачникот е дизајниран за работа со млади луѓе на возраст од 13 до 18 години, во, или вон образовниот систем.

Прирачникот се заснова на цврстото уверување дека Интернет просторот е јавен простор, а со тоа сите принципи на демократското општество може и треба да се применуваат на Интернет. Оттука, улогата на младите луѓе онлајн е од исклучително значење во борбата против говорот на

омраза.

„Bookmarks“ нуди бројни содржини преку кои ги истражува начините на интеракција на Интернет, и како младите можат да преземаат акција и да водат онлајн кампањи за подобар и побезбеден Интернет простор.

Прирачникот може го преземете од веб страницата на „Движењето против говорот на омраза“, на следниот линк: http://www.nohatespeechmovement.org/bookmarks